Përfitimet e pensionistëve në Shqipëri kanë pësuar një rritje minimale, vetëm 20 lekë në ditë, e cila është sa për një gjysmë bilete autobuzi. Ndërkohë, qeveria shpenzon vetëm 6.8% të Prodhimit të Brendshëm Bruto (PBB) për pensionet, ndërsa dedikon plot 50% të PBB për Partneritetet Publike e Private (PPP). Sipas indeksimit prej 4.1% të qeverisë, pensionet në qytet janë rritur me rreth 752 lekë, ndërsa pensionistët në fshat kanë marrë 453 lekë më shumë.

Kjo situatë ka sjellë protestat e qindra pensionistëve nga e gjithë Shqipëria para Kryeministrisë, të cilët kërkojnë pensione më të larta pas dhjetëra vitesh punë të palodhur. Pavarësisht moshës, sëmundjeve ose pamundësive financiare, minatorë, naftëtarë, invalidë dhe ish-ushatarakë janë mbledhur për të kërkuar të drejtat e tyre.

Në protestën e sotme para Kryeministrisë, qytetarët dhe përfaqësues të pensionistëve bënë thirrje për një protestë të re ditën e nesërme, duke u bërë thirrje të gjithë pensionistëve dhe qytetarëve të bashkohen në këtë kauzë për drejtësi ekonomike.

“Ne do t’i vazhdojmë protestat tona deri në plotësimin e këtyre kërkesave. Ftojmë edhe një herë të gjithë pensionistët dhe qytetarët e këtij vendi që t’i bashkohen protestës së nesërme,” shprehen ata.