Pasditen e sotme, dhjetëra qytetarë kanë dalë në protestë në lidhje me ndërtimin e aksit të ri Thumanë-Kashar. Banorët e zonës kanë bllokuar qarkullimin duke u ulur në asfalt dhe kanë kërkuar që policia të respektojë të drejtën e tyre për të protestuar.

Pak minuta pas bllokimit të qarkullimit, policia tentoi të hapte njërën anë të rrugës për të lehtësuar trafikun e rënduar, që kishte krijuar një radhë të gjatë makinash. Kjo përpjekje shkaktoi acarimin e banorëve, të cilët nuk lejuan policinë të hapte rrugën dhe përplasjet mes palëve u intensifikuan, duke çuar në shtyrje dhe tensione.

Një banor deklaroi se policia ka përdorur gaz lotsjellës gjatë protestës: “Turp, tu hedhin gaz lotsjellës fëmijëve,” tha ai, duke qenë i pranishëm në protestë me vajzën e tij të mitur.