Protestuesit e Rithemelimit dhe Partisë së Lirisë kanë hedhur mollë dhe vezë në drejtim të Bashkisë së Tiranës gjatë protestës së tyre.

Dy protestues janë ndaluar gjatë protestës para Bashkisë së Tiranës. Burime bëjnë me dije se u janë gjetur lëndë piroteknike.

Të dy ishin në kërkim për protestën e javës së kaluar, pasi hodhën molotov në drejtim të Bashkisë.
Protesta në Bashkinë e Tiranës

Partia e Lirisë dhe Rithemelimi po organizojnë protestën para Bashkisë së Tiranës. Më 11:00, protestuesit filluan të mblidhen para Bashkisë, dhe në fillim të protestës, disa prej tyre hodhën mollë dhe vezë drejt godinës së Bashkisë. Lejen për organizimin e kësaj proteste e ka dhënë Aleanca për Mbrojtjen e Teatrit, me përfaqësuesen Adriana Kalanë.

Devijimi i trafikut

Policia e Shtetit ka ndërmarrë masat e duhura për të garantuar që protesta të zhvillohet pa incidente. Nga ora 09:45, ka ndaluar qarkullimin e makinave në bulevardin kryesor pranë Bashkisë së Tiranës. Derisa protesta të përfundojë, alternativat për trafikun janë rrugët si Unaza e Mesme dhe Unaza e Madhe.

Policia bën thirrje organizatorëve dhe pjesëmarrësve që të shmangen nga çdo akt i dhunshëm dhe të respektojnë ligjin.