Partia Socialiste ka nisur zyrtarisht përgatitjet për zgjedhjet e pjesshme vendore të 9 nëntorit 2025, që do të zhvillohen në 6 bashki të vendit: Tiranë, Vlorë, Cërrik, Mat, Tepelenë dhe Berat.
Kryeministri Edi Rama mblodhi sot strukturat drejtuese të PS-së në Tiranë, në një takim që zgjati rreth 40 minuta, ku u bë ndarja e zonave dhe përcaktimi i detyrave për deputetët, ministrat dhe drejtuesit politikë që do të angazhohen në këtë fushatë.
Ndërkohë, PS ka shpallur zyrtarisht kandidaturën e Ogerta Manastirliut për Bashkinë e Tiranës. Ish-ministrja e Shëndetësisë dhe më pas e Arsimit pritet të jetë në qendër të garës për kryeqytetin.
Ndarja e detyrave në Tiranë
• Fatmir Xhafaj – Njësia 10
• Blendi Klosi & Eduard Shalsi – rikthehen në Tiranë për fushatën
• Ulsi Manja – Njësia 7
• Xhemal Qefalia – zona e Dajtit
• Olta Xhaçka, Arben Pellumbi, Blendi Klosi – Nj. 2
• Klotilda Bushka, Ermonela Felaj, Delina Ibrahimaj – Nj. 3
• Blerina Gjylameti, Eduard Shalsi – Nj. 4
• Erion Braçe, Niko Peleshi, Taulant Balla – Nj. 5
• Blendi Gonxhe, Ceno Klosi – Nj. 6
• Igli Hasani, Milva Ekonomi, Bora Muzhaqi – Nj. 8
• Mimi Kodheli, Besfort Lamallari – Nj. 9
• Albana Koçiu, Erion Malaj, Rakip Suli – Nj. 11
• Anila Denaj, Sofjan Jaupaj – Nj. 13 (Farkë)
• Për zonat rurale: Xhemal Qefalia dhe Ornaldo Rakipi
Ndërsa mbledhje të ngjashme për bashkitë e tjera do të zhvillohen javën e ardhshme, në kampin opozitar ende nuk ka zyrtarizim kandidaturash.
