Bruno Jazaj, punonjësi i policisë bashkiake në Vlorë, është dhunuar rëndë një ditë më parë. Për shkak të plagëve të rënda që mori nga goditjet, ai u shtrua në pavionin e kirurgjisë të spitalit të Vlorës. Pamjet e siguruara nga gazetari Enrik Mehmeti tregojnë Jazajn të shtrirë në spital, me shenja të dukshme dhune në fytyrë.
Jazaj ka identifikuar autorët e ngjarjes, të cilët janë babë e bir, Kristi Sota dhe Todi Sota. Sipas tij, ata e akuzuan për vendosjen e gjobave ndaj makinave të tyre, çka çoi në sulmin brutal ndaj tij.
