Presidenti rus, Vladimir Putin, ka dërguar një anije të armatosur me raketa të reja hipersonike të llojit Zircon drejt oqeanit Atlantik dhe atij Indian.

Putin i cili është i përfshirë në një ‘përplasje’ me Perëndimin për pushtimin e Ukrainës, tha se armët ishin sistemi “më i fundit” i raketave hipersonike.

Ministri rus i mbrojtjes, Sergei Shoigu, tha se anija do të lundronte gjithashtu edhe në Detin Mesdhe.

“Kjo anije, e armatosur me “Zirkon”, është e aftë të kryejë goditje të forta dhe të fuqishme kundër armikut në det dhe në tokë,” tha ai, duke shtuar se armët mund të kapërcejnë çdo sistem mbrojtjeje raketore.

Raketat fluturojnë nëntë herë më shumë se shpejtësia e zërit dhe kanë një rreze prej mbi 1000 km, tha zoti Shoigu.

Raketat hipersonike veçse shumë të shpejta, janë edhe të manovrueshme, dhe objektivi i tyre i synuar është shumë më i vështirë për t’u llogaritur sesa për raketat balistike ndërkontinentale.