Pas presidenti ukrainas, edhe Ministri i Punëve të Jashtme të Ukrainës e ka akuzuar presidentin rus Vladimir Putin për krime lufte.
Ministri i Jashtëm ukrainas, Dmytro Kuleba, ka publikuar një video në Twitter, e cila shfaq momentin kur në Kharkiv është sulmuar Sheshi Liria, dhe i bëri thirrje shteteve të tjera që të izolojnë Rusinë.
“Sulmet barbare të raketave ruse në Sheshin qendror të Lirisë dhe lagjet e banuara të Kharkiv. Putini nuk është në gjendje të shkatërrojë Ukrainën. Ai kryen krime lufte nga inati, vret civilë të pafajshëm. Bota mund dhe duhet të bëjë më shumë. Rritni presionin, izoloni plotësisht Rusinë”, shkroi ai në Twitter.
Barbaric Russian missile strikes on the central Freedom Square and residential districts of Kharkiv. Putin is unable to break Ukraine down. He commits more war crimes out of fury, murders innocent civilians. The world can and must do more. INCREASE PRESSURE, ISOLATE RUSSIA FULLY! pic.twitter.com/tN4VHF1A9n
— Dmytro Kuleba (@DmytroKuleba) March 1, 2022
