Presidenti Vladimir Putin mund të detyrohet të heqë dorë nga kontrolli i luftës në Ukrainë për ditë të tëra, pasi është planifikuar që t’i nënshtrohet një operacioni sepse vuan nga kanceri.

Media britanike Daily Mail shkruan se diktatori rus do të emërojë ish-shefin e FSB-së (Shërbimit Federal të Sigurisë), Nikolai Patrushev për të marrë kontrollin luftës në Ukrainë.

Shadowy Patrushev, 70 vjeç, shihet si arkitekti kryesor i strategjisë së luftës deri më tani, dhe njeriu që e bindi Putinin se Kievi është i mbushur me neo-nazistë.

Këto informacione u publikuan fillimisht në kanalin në Telegram General SVR ku thuhej se Putin ka kancer në stomak, ndërkohë që 18 muaj më parë është diagnostikuar me Parkinson.

Ai thuhet se ka shtyrë operacionin, i cili tani nuk do të bëhet para përkujtimit të Ditës së Fitores së Rusisë në Luftën e Dytë Botërore në Sheshin e Kuq më 9 maj.

Lajmi vjen mes spekulimeve se Putini do të nisë një luftë gjithëpërfshirëse në të gjithë Ukrainën dhe do të urdhërojë mobilizimin masiv të burrave të moshës ushtarake, një rrezik i konsiderueshëm politik.

Operacioni ishte planifikuar për gjysmën e dytë të prillit, por u vonua, pohoi SVR.

“Putinit iu rekomandua që t’i nënshtrohej një operacioni, data e së cilës është duke u diskutuar”, thuhet në media.

“Duket se nuk ka ndonjë urgjencë të veçantë, por as nuk mund të vonohet.”