Kryetari i Bashkisë së Vlorës, Dritan Leli, ka qëndruar për një orë në Prokurorinë e Posaçme kundër Krimit dhe Korrupsionit.
Pas një ore, kryebashkiaku i Vlorës Dritan Leli ka dalë nga dyert e SPAK por pa treguar detaje për aryset pse është paraqitur atje.
Leli u paraqit sot në SPAK, pas një kallëzimi të bërë nga Kontrolli i Lartë i Shtetit.
Kryebashkiaku Leli nuk ka pranuar të japë asnjë detaj, duke thënë se “Pyesni SPAK për më shumë informacione”.
Kujtojme se ditën e sotme ai u sulmua nga kreu i qeverisë Edi Rama gjatë takimit me kryetarët e bashkive në Pogradec. Rama tha se drejtuesi i bashkisë së Vlorës fle gjumë pavarësisht kapaciteteve që ka bashkia që ai drejton.
“Kemi bashki si Vlora që ka pasur një vëmendje të veçantë me të drejtës nga qeveria por që ka një kryetar bashkie që fle gjumë. Vlora me gjithë potencialin dhe mbështetjen nuk duhej ta diskutonte të qenit xixë nga mëngjesi në mbrëmje. Minimalisht!”, tha sot Rama
