Raportohet për të shtëna me armë zjarri në Kallmet të Lezhës.

Burimet bëjnë me dije se një person ka mbetur i plagosur i cili është dërguar me urgjencë në spital.

I plagosur eshte administratori i Kallmetit, Besnik Simoni. Ende nuk dihet shkaqet e përdorimit të armës së zjarrit, ndërsa policia është nisur drejt vendit të ngjarjes.
Besnik Simoni është dërguar në spitalin e qytetit për të marrë ndihmën e nevojshme mjekësore, shkruan newsbomb.al. Për shkak të gjendjes shëndetësore dhe nevojës për mjekim të specializuar, kreu i Njësisë Administrative Kallmet është nisur drejt Tiranës.

Më herët, në qytetin e Lezhës është shënuar një tjetër ngjarje e rëndë. Një person ende i paidentifikuar ka hedhur një kapsollë detonatore brenda një lokali dhe është larguar. Fatmirësisht, nuk ka pasur persona të plagosur por vetëm dëmet materiale.