Policia e shtetit ka dhënë një njoftim paraprak mbi dhunimin e një gazetari pak momente më parë. Në rrugën “Bardhok Biba” disa persona të paidentifikuar kanë dhunuar me sende të forta Gjergj Zefin, drejtuesin e portalit “Pamfleti.net”.
52-vjeçari ndodhet për momentin në spital dhe po merr ndihmën mjekësore. Grupi hetimor po vijon punën për zbardhjen e plotë të ngjarjes dhe identifikimit të autorëve.
Me sa bëhet me dije Zefi është goditur në momentin që ka qenë duke dalë nga zyrat. Më pas policia hyri në ambjentet e portalit dhe sekuestroi kamerat e sigurisë ku ndodhi ngjarja.
Njoftimi i Policisë:
Tiranë/Informacion paraprak
Më datë 03.10.2023, nga një telefonatë në Sallën Operative është marrë njoftim se në rrugën “Bardhok Biba”, persona të paidentifikuar kanë goditur me sende të forta një shtetas.
Pas verifikimeve të kryera ka rezultuar se personi i dëmtuar është shtetasi Gj. Z., 52 vjeç (administrator i një portali), i cili aktualisht po merr ndihmën mjekësore.
Me marrjen e njoftimit, është ngritur grupi Hetimor dhe nën drejtimin e Prokurorisë vijon puna për sqarimin e rrethanave të ngjarjes, identifikimin dhe kapjen e autorëve
