Këshilli i Ministrave i Italisë ka miratuar një projektligj të ri për të luftuar dhunën ndaj grave, duke e konsideruar femicidin si një krim autonom, që do të ndëshkohet me burgim të përjetshëm. Ky hap është një masë e rëndësishme për të mbrojtur viktimat e dhunës dhe për të rritur dënimet për krime të tilla si keqtrajtimi, përndjekja, dhuna seksuale dhe pornografia hakmarrëse.

Dekreti i ri synon të forcojë legjislacionin dhe të sjellë rregulla të ashpra për të luftuar dhunën ndaj grave, në prag të 8 Marsit, Ditës Ndërkombëtare të Gruas. Kryeministrja italiane, Giorgia Meloni, e quajti këtë hap si një përpjekje të rëndësishme për të mbrojtur gratë dhe për të luftuar një fenomen të papranueshëm.

Dekreti i ri përfshin gjithashtu rrethana rënduese për krimet e dhunës dhe parashikon dënime më të ashpra për keqtrajtimin dhe abuzimin seksual. Meloni falenderoi ministrat që kontribuan në këtë iniciativë, duke theksuar rëndësinë e saj për të ofruar një mbështetje më të fortë për viktimat e dhunës.