Qeveria shpall ditën e sotme ditë zie kombëtare pas ndarjes nga jeta të deputetit të PS dhe ish-Kryeministrit të ‘Pajtimit Kombëtar’

Flamuri shqiptar dhe ai i PS janë ulur në gjysmë shtizë në nderim të Bashkim Finos, i cili u nda nga jeta mëngjesin e sotëm pasi ishte i infektuar me COVID-19.

Sipas vendimit të qeverisë shpenzimet e varrimit dhe ceremonisë do të mbulohen nga Institucioni Organizator i Ceremonialit.

Në Pallatin e Kongreseve, mbahen sot homazhet në nder të deputetit Bashkim Fino. Homazhet nisën rreth orës 12:00, deri në 16:00. Kolegë dhe qytetarë i japin lamtumirën e fundit.

NJOFTIMI I KUVENDIT
Kryesia e Kuvendit të Shqipërisë njofton më hidhërim të thellë se sot në orët e para të mëngjesit u nda nga jeta deputeti Bashkim Fino.
Kryesia e Kuvendit i shpreh ngushëllimet familjes dhe të afërmve dhe njofton se në nderim të deputetit Bashkim Fino, sot, më 29 mars, nga ora 12:00-16:00, do të organizohen homazhe në Pallatin e Kongreseve. Përcjellja bëhet në orën 16:00.