Qyteti më i madh në Ukrainën lindore, Kharkivi, është sulmuar ditën e sotme nga raketat ruse.

Sipas mediave të huaja që citojnë kryebashkiakun e qytetit Ihor Terekhov, Rusia shënjestroi objektet industriale në Kharkiv dhe plagosi dy civilë.

Kharkiv ndodhet 19 milje nga kufiri me Rusinë dhe ka qenë shpesh nën sulmet e Moskës që nga fillimi i luftës.

“Sipas të dhënave paraprake, katër sulme goditën Kharkivin. Armiku po synon objektet industriale,” shkroi Ihor Terekhov në Telegram.

Zyrtarët ukrainas presin intensifikimin e sulmeve me afrimin e përvjetorit të parë të pushtimit rus, të premten.

Kujtojmë se lufta në Ukrainë po vijon që prej 24 shkurtit të vitit të kaluar, ku deri më tani mijëra persona kanë humbur jetën, shumë prej të cilëve civilë.