Kryeministri dhe kryetari i Partisë Socialiste, Edi Rama, ka ironizuar sot kreun e Partisë Demokratike, pas shfaqjes së tij me një buf në selinë blu.

Gjatë një deklarate për mediat, Rama tha:

“E kishte pranuar që është buf, ky është hapi i parë. Po kishte thënë se bufi është gjë e mençur, që është vlerësuar për mençuri. Patjetër, ai i kënetës meriton respekt, por jo kur bufi vjen të bëjë politikë në Tiranë. Jo buf kënete i veshur me kostum dhe kravatë, që na tregon se si do bëhet Shqipëria Madhështore.”

Ai përmendi edhe Kujtim Gjuzin, duke ironizuar përfshirjen e tij në politikë:

“Meqë ra fjala, ai të paktën meriton respekt, se ka një palë mustaqe.”

Kjo deklaratë e Ramës vjen në kulmin e fushatës elektorale, duke shtuar akoma më shumë tonet ironike mes palëve politike.