Një konflikt për një vend parkimi në Kamëz ka përfunduar me të shtëna armësh dhe një të plagosur.

Sipas informacioneve të fundit, dy persona janë përplasur fizikisht për një vend parkimi, ndërsa njëri prej tyre ka nxjerrë armën dhe ka plagosur në këmbë Mikel Xhetanin, 25 vjeç. I riu ndodhet aktualisht në spital, ku po merr ndihmën e nevojshme mjekësore.

Policia ka mbërritur menjëherë në vendngjarje dhe po punon për identifikimin dhe kapjen e autorit. Ndërkohë, grupi hetimor është duke hetuar për të sqaruar rrethanat e plota të ngjarjes dhe për të dokumentuar çdo detaj.