Nga Mynihu i Gjermanisë, ku po zhvillohen punimet e Konferencës së Sigurisë, kryeministri Edi Rama theksoi se Shqipëria u bllokua për shkak të mosmarrëveshjeve të Maqedonisë së Veriut me Bullgarinë. Ai shprehu shpresën se vendi ynë do të shkëputet nga kjo situatë në procesin e integrimit.

“Shpresoj që të jemi tashmë të shkëputur nga Maqedonia e Veriut, sepse herën e fundit që ishim në çift, nuk na lejuan të hidhnim asnjë hap tjetër, për shkak të një situate që nuk lidhej me Shqipërinë, por me një vend tjetër, Bullgarinë”, theksoi ai.

I pyetur nëse mendon se Greqia do të jetë pengesë për rrugën e integrimit, kryeministri u shpreh se nuk ka shkuar në Mynih për të shqetësuar miqtë grekë, por nga ana tjetër nuk kurseu as ironinë.