Kryeministri Edi Rama së bashku me ministren e Bujqësisë, Frida Krifca, ndodhen në qytetin bregdetar të Sarandës sot, ku kanë parë nga afër operacionin e eksportit detar të Shqipërisë që ka nisur sot. Ky eksport përfshin edhe Japoninë që nga 3 vende në vitin 2013 sot ka 27 destinacione.

Rama ku është shfaqur në një anije peshkimi duke “pozuar” dhe duke u “matur” me gjatësinë e dy peshqve të mëdhenj.

Në Sarandë shkruan Rama në rrjetet sociale, “nis sot operacioni më i madh i eksportit detar të Shqipërisë, i cili e përfshin edhe Japoninë në hartën e eksporteve shqiptare, që nga 3 vende në vitin 2013 sot ka plot 27 destinacione.

Sipas Ramës industria shqiptare e peshkimit tanimë është një industri konkurruese në tregun ndërkombëtar dhe pas pesëfishimit të eksporteve të saj në dy mandatet e para, synohet dyfishimi në mandatin e tretë.