Teksa në Kuvend po diskutohet marrëveshja me foncacionin shqiptaro amerikan, për menaxhimin e Butrintit, Edi Rama e tha prerë se plani i tij do të shkojë deri në fund.

Rama tha se nuk ka asnjë problem që në Butrint të ketë aktivitete fitimprurëse përfshirë edhe restorante.

“Patjetër që Butrinti do të ketë aktivitete fitimprurëse, nuk janë fitime që do të shkojnë në Amerikë, do të vazhdojnë të investohen aty. Se ju kur dëgjoni park dhe restorant, ju shkon mendja vetëm te Parku Rinia. Parku i Butrintit do të bëhet siç themi ne. Ju që kundërshtoni restorantet, ngritët kioska.

Ne jemi shumë krenar për këtë investim, që është kërkuar prej nesh, ne ulemi dhe bëjmë diskutime të përvitshme me fondacionin shqiptaro amerikan. Parku i Butrintit do të jetë e para zonë, që do të jetë komplet zonë e gjelbër, në sensin me të gjitha aktivitetet e brendshme pa karbon.

Për të gjitha këto ne jemi shumë krenar. Profesor hajde se do të dëgjoj me shumë vëmendje, do të mundohem që të mbaj të mos shkoni fare në greminë”, u shpreh Rama.