Kryeministri Edi Rama nëpërmjet një postimi në rrjetet sociale, ka reaguar në lidhje me zjarret që kanë pushtuar Greqinë së fundmi.
Kryeministri i vendit u shpreh se është e trishtë të shohësh vendin fqinj që vuan vazhdimisht nga zjarret, të cilat as këtë verë nuk kanë munguar në shumë rajone.
Më tej Rama shtoi se populli i guximshëm grek dhe të gjithë ata në uniformë që luftojnë kundër shkatërrimeve të tilla meritojnë solidaritetin tonë të plotë dhe admirimin e thellë.
Reagimi i kryeministrit Edi Rama:
Është shumë e trishtueshme të shikosh vendin tonë të bukur fqinj që vuan vazhdimisht nga zjarret, ndërsa populli i guximshëm grek dhe të gjithë ata në uniformë që luftojnë kundër shkatërrimeve të tilla meritojnë solidaritetin tonë të plotë dhe admirimin e thellë.