Duke nisur nga sot Shqipëria do të jetë vend mysafir në Sallonin Ndërkombëtar të Librit në Torino! Kryeministri Edi Rama ka publikuar disa foto mëngjesin e sotëm nga stenda e Shqipërisë në sallonin e librit në Torino.
‘Gati stenda spektakolare e Shqipërisë në Sallonin Ndërkombëtar të Librit në Torino – një ndër panairet më të mëdha të librit në botë!’- shkruan Rama.
Koncepti i sallonit tonë frymëzohet nga Kadare me ‘Kronikë në gur’, ndërsa të ftuarit janë emra të njohur të Shqipërisë e Diasporës nga Lea Ypi te Ermal Meta, që do të hapë siparin e 40 aktiviteteve.
