Komiteti i Përhershëm i Konventës së Bernës ditë më parë u kërkoi autoriteteve shqiptare të pezullojnë punimet për ndërtimin e Aeroportit të Vlorës dhe të ndërmarrin një program gjithëpërfshirës të monitorimit të jetës së egër dhe rishikimin e të dhënave të Raportit të Vlerësimit të Ndikimit në Mjedis për zonën ku po ndërtohet aeroporti.

Por,pavarësisht këtIj apeli, qeveria shqiptare duket e vendosur që projektin ta çojë përpara. Kryeministri i vendit Edi Rama e ka kthyer në “kalë beteje” ndërtimin e Aeroporti të Vlorës dhe madje ky ka qenë postimi i sotëm në rrjetin social “Facebook” me anë të të cilit ka uruar ndjekësit për një ditë të mbarë.
Sipas Ramës, Aeroporti i Vlorës do jetë më i madhi në Ballkan dhe këtë vepër e cilëson si nyje strategjike, e cila do ndikojë në fuqizimin ekonomik të vendit.

“Mirëmëngjesi, dhe me punën që vijon në rrugën e Aeroportit të Vlorës, i cili do të jetë aeroporti më i madh në Ballkan, dhe një ndër investimet më të rëndësishme për ekonominë e vendit, ju uroj një ditë të mbarë”, shkruan kryeministri Edi Rama.