Ish-banori i Big Brother VIP Albania 4, Vserlo, ka shkaktuar polemika në rrjetet sociale me një reagim të ashpër ndaj suksesit të këngës së re të Gjestit, “Veshu ndreq”, e cila arriti mbi 1 milion klikime brenda 24 orëve.
Në një postim në InstaStory, Vserlo ironizoi dhe akuzoi për manipulim klikimesh, duke e krahasuar me artistë ndërkombëtarë si Miley Cyrus dhe Ava Max, dhe duke e cilësuar suksesin e Gjestit “të fabrikuar”:
“Vjen një Gjest me 100 mijë subscribers të blerë, kap 1.5 milionë për një ditë…”.
Ai nuk i kursen thumbimet edhe për këngëtaren Egli Tako, me ironi duke parashikuar se kënga e saj do të arrijë “20 milionë klikime deri nesër”.
Vserlo përdori fjalë të ashpra për publikun, të cilin e përshkroi si “popull dele” që bie pre e “fames imagjinare” dhe playback-ut të artistëve që “nuk dinë të këndojnë”. Ai përfundoi mesazhin me një thumb ironik:
“Që jeni popull dele e kemi marrë vesh, por të paktën jini dele që ndjekin logjikën dhe forcën e gravitetit!”
