Prifti Nikolla Xhufka, i cili u përfshi në një skandal pas publikimit të bisedave me përmbajtje erotike me një mashkull, të kapura nga një kamerë e fshehtë nga emisioni investigativ “Piranjat”, ka reaguar duke mohuar akuzat dhe duke cilësuar videon si një montazh të orkestruar. Xhufka pretendon se është bërë objekt i sulmeve dhe kurtheve nga Kishat serbe, greke dhe ruse, për shkak të qëndrimeve të tij kundër uzurpimit të Kishës Shqiptare nga Greqia dhe të Kishave të Kosovës nga Serbia.

Ngjarja erdhi në qendër të vëmendjes pas transmetimit të një episodi ku bisedat e tij me kontekst erotik me një mashkull u publikuan nga emisioni “Piranjat”. Gjatë këtij episodi, një anëtar i stafit i shkruante priftit duke i kërkuar marrëdhënie intime, ndërsa Xhufka shprehte tundimin e tij. Skandali shkaktoi reagime të shumta dhe kritikë të gjerë ndaj priftit.

Kisha Ortodokse Autoqefale e Shqipërisë, e drejtuar nga Kryepeshkopi Anastas Janullatos, reagoi duke bërë të qartë se Nikolla Xhufka nuk është më pjesë e Kishës Shqiptare. Kisha distancoi veten nga prifti, duke hedhur poshtë çdo lidhje me veprimet e tij.