Real Madrid preu biletën për në finalen e madhe të Champions League, aty ku e pret, Liverpool.

“Los Blancos triumfuan 3-1 në ndeshjen e dytë gjysmëfinale në Bernabeu ndaj Manchester Cityt, duke bërë të pavlefshme fitoren 4-3 të skuadrës së Guardiolës në ndeshjen e parë.

Manchesteri ishte skuadër më e mirë në pjesën e parë, por nuk arritën të gjejnë golin e avantazhit. Në pjesën e dytë Reali u hodh në sulm, me Vinicius Junior që humbi një rast të pastër për gol.

Atëherë kur pritej goli i Realit, Manchester City- kaloi në avantazh me anë të Rihad Mahrez në minutën e 73-të.

Mirëpo, madrilenët arritën të përmbysin rezultatin 2-1, falë golave të Rodrygos në minutat 90-të dhe 91-të, duke çuar ndeshjen në shtesë.

Në shtesë Reali arriti të shënonte edhe golin e 3-1 me anë të Karim Benzema. Në minutën e 94-rt të shtesës së dytë në Bernabeu, sulmuesi francez fitoi një penallti të cilën e mori vetë përsipër.

Benzema u tregua i saktë nga pika e bardhë duke ndezur Bernabeun. Deri ën fund rezultati nuk ndryshoi, me Realin që kaloi në finalen e Champions.

Kjo finale është një përsëritje, pasi Real dhe Liverpool u përballën midis tyre në vitin 2018 , e cila u fitua nga madrilenët me rezultatin 3-1.