Me rastin e Ditës Ndërkombëtare të Gruas, Rihanna ka ndarë foto emocionuese nga lindja e dy djemve të saj, duke theksuar se kjo është gjëja më e rëndësishme që ka bërë ndonjëherë. Këngëtarja dhe themeluesja e Fenty Beauty, 37 vjeç, publikoi dy foto në Instagram, të cilat janë realizuar menjëherë pas lindjes së RZA, tani 2 vjeç, dhe Riot Rose, 19 muajsh, me partnerin e saj A$AP Rocky, me të cilin është së bashku që nga viti 2020.

Rihanna ndau një mesazh prekës në mbishkrimin e postimit: “Momenti më i fuqishëm që kam përjetuar ndonjëherë si grua… mrekullitë e mia të vogla! #Dita Ndërkombëtare e Gruas”. Fotoja e parë tregon djalin e saj të madh, ndërsa e dyta është realizuar pas lindjes së Riot Rose.