Këngëtarja shqiptaro-britanike Rita Ora ka surprizuar publikun me një deklaratë të pazakontë, duke pohuar se beson se mund të jetë “shtrigë”. Në një intervistë për podcastin Happy Hour Overheard, 34-vjeçarja tregoi se kjo “fuqi mistike” është një gjen familjar, që sipas saj trashëgohet në familjen e saj.

“Gjyshja ime ka qenë 100% shtrigë. Për nënën time nuk jam shumë e sigurt, por unë besoj se e kam patjetër,” u shpreh Ora. Ajo e përshkroi edhe martesën e saj si një ngjarje “shpirtërore”, ndërsa foli për pasionin e saj ndaj jogës dhe astrologjisë.

Këngëtarja tregoi ritualet që e ndihmojnë të ruajë qetësinë dhe balancën: “Bëj lexime javore, hap letrat e tarotit… Në fund të ditës, mjafton që diçka të të japë shpresë.” Ajo shtoi se beson 100 për qind tek astrologjia dhe e konsideron si një fe personale që mund të udhëheqë shpirtin e njeriut.

Para performancave, Rita ruan një qetësi të brendshme dhe shmang atmosferat “rock ’n’ roll”: “Disa marrin muzikë të çmendur, shot-e… Unë bëj ushtrime dhe vendos muzikë relaksuese. Gjithçka është shumë chill.”

Këngëtarja gjithashtu ndau një këshillë që i ka ndryshuar qasjen ndaj jetës: “‘Jeta jote është si një grusht rëre… Gjithçka varet nga mënyra se si e mbron atë grusht rëre.’ Dikur nxitohesha shumë… Tani mundohem të eci më qetë dhe të shmang reagimet impulsive.”

Rita Ora vazhdon të kombinojë karrierën muzikore me një botëkuptim të pasur mistik, duke treguar se spiritualiteti dhe praktikat personale janë pjesë e rëndësishme e jetës së saj të përditshme.