Një nga çiftet më të përfolura të showbiz-it, këngëtari Robert Berisha dhe modelja Ana Skrel, duket se po përballen me një periudhë të vështirë në marrëdhënien e tyre. Dyshimet për një ndarje kanë nisur pas mungesës së një urimi publik nga Roberti për ditëlindjen e Anës – një gjest që më parë ishte i zakonshëm në rrjetet sociale.

Situata u bë edhe më e dukshme kur ndjekësit vërejtën se çifti nuk e ndjek më njëri-tjetrin në platformat online, duke shtuar spekulimet se lidhja mund të ketë marrë fund.

Megjithatë, deri tani nuk ka një deklaratë zyrtare nga asnjëri prej tyre. Kujtojmë se edhe disa javë më parë, çifti kishte kaluar një krizë, por kishte arritur të ribashkohej pas disa ditësh.

Në mungesë të konfirmimit nga vetë Roberti dhe Ana, mbetet e paqartë nëse bëhet fjalë për një ndarje përfundimtare apo për një tjetër krizë të përkohshme, ndërsa fansat mbeten në pritje të lajmeve zyrtare.