Londër, qershor 2025 – Një romancë e re hollivudiane duket se po merr formë larg zhurmës së tapetit të kuq. Tom Cruise dhe Ana de Armas, dy prej yjeve më të komentuar të ekranit, janë kapur nga objektivat në takime gjithnjë e më të shpeshta në klubin ultra-ekskluziv “Annabel’s” në zemër të Londrës – dhe burime të afërta thonë se nuk është më thjesht një miqësi profesionale.

Sipas “Page Six” dhe “DailyMail”, Cruise, 61 vjeç, është “i magjepsur” nga bukuroshja kubano-spanjolle, 37-vjeçare, e cila, ndonëse më e rezervuar, nuk ka fshehur afërsinë e re që po krijohet. Takimet mes tyre, të zhvilluara në ambiente private dhe diskrete – larg paparacëve dhe rrjeteve sociale – kanë filluar që në muajin shkurt, fillimisht të justifikuara si “bashkëpunime për projekte filmike”.

Por romanca mori tjetër drejtim kur dyshja u fotografua në një shëtitje të qetë në park dhe, pak më vonë, duke festuar ditëlindjen e aktores në një darkë intime. Sipas të njëjtave burime, mikeshë e përbashkët e çiftit është Penelope Cruz – ish-partnerja e Tom Cruise – e cila raportohet se ka dhënë “bekimin” e saj për lidhjen e re.

Ndërkohë që Cruise është përfshirë në projekte të rinj me regjisorët Doug Liman dhe Christopher McQuarrie, Ana de Armas ka konfirmuar disa bashkëpunime artistike me të, çka ka ushqyer më tej spekulimet për një afrim që i kalon kufijtë e ekranit.

Pavarësisht vëmendjes mediatike, çifti duket se po ecën me hapa të kujdesshëm. Ata preferojnë netët e qeta në shtëpi, larg eventeve të zhurmshme – një zgjedhje e rrallë për yje të këtij kalibri në Hollywood.

Në një industri ku lidhjet vijnë e shkojnë me shpejtësinë e premierave, lidhja Cruise–De Armas po përjetohet si një ndjenjë e qetë dhe e ndërtuar me kujdes. Ndërsa dritat e Londrës vazhdojnë të ndizen çdo mbrëmje, edhe kjo romancë duket se po shndrit më shumë se zakonisht.