Në një moment emocionues në premierën e “5 herë jo”, aktori Donald Veshaj iu ul në gjunjë Bora Zemanit dhe i propozoi martesë. Ndërsa shumë njerëz u ndjeën të prekur nga kjo skenë romantike, Romeo Palushi ka zbuluar një anë tjetër të historisë – ai është ai që ka zgjedhur unazën.

Teksa ka qenë ftuar në “Dancing With The Stars” për të shoqëruar partneren e tij Fifi në kërcim, Romeo ka përdorur rastin për të treguar historinë pas unazës së martesës. Sipas tij, ai ka zgjedhur unazën dhe jo Donaldi, pasi Donaldi kishte frikë se do të kuptohej se po përgatitej për propozim.

Romeo tha: “Unazën ia mora unë, nuk e zgjodhi Donaldi. E kam provuar në gishtin tim, prandaj është e madhe, 1-2 cm. Donaldi tha: ‘Nuk mund të futem në argjendarie se do të kuptohej’. E i thashë që do të shkoja unë, ndërsa atje më thanë: ‘Bravo Romeo, sa ke ndryshuar, do martohesh’. Pastaj më kërkuan një foto të vajzës, për ta zgjedhur…”.

Aktori gjithashtu ndau momente të tjera nga kjo periudhë, duke përfshirë përgjigjen e tij kur e pyetën ta përshkruante vajzën me fat. “U thash: ‘Ajo ka sytë më të bukur në botë’ dhe më treguan këtë unazën, që është pak e madhe,” shtoi Romeo, ndërsa shpreh dashurinë e tij për kunatën e re.