Prej disa javësh, shtypi rozë ka spekuluar për një romancë mes Roza Latit dhe Xhonatan Islamit. Megjithatë, deri më tani nuk kishte asnjë konfirmim zyrtar nga të dy. Roza vetë, përmes një deklarate në rrjetet sociale, kishte theksuar se nuk dëshironte të fliste për jetën e saj private deri në momentin e duhur.
Në një video të fundit të postuar në profilin e saj, çifti duket mjaft i lumtur teksa përqafojnë njëri-tjetrin. Roza ka shkruar: “Mirëmëngjes, me projekte të reja së shpejti.” Kjo video duket se ka shënuar momentin kur dyshja ka vendosur ta konfirmojë lidhjen e tyre me publikun.
