Policia e Sarandës është vënë në alarm pas njoftimit për rrëmbimin e një personi në zonën e Qafë Gjashte.
Sipas burimeve, viktima e dyshuar është shtetasi me inicialet F. M., ndërsa pista kryesore e hetimit lidhet me një larje hesapesh.
Në vendngjarje janë angazhuar forca të shumta policie, të cilat po punojnë për të gjetur personin e rrëmbyer.
Ndërkohë, burimet bëjnë me dije se autorët janë identifikuar dhe uniformat blu janë në kërkim të tyre.
Hetimet vijojnë për zbardhjen e plotë të ngjarjes.
