Moti i keq që ka përfshirë Shqipërinë gjatë orëve të fundit ka shkaktuar probleme të shumta me qarkullimin në disa akse rrugore. Një rëshqitje masive dheu ka bllokuar aksin Kukës-Shishtavec, duke shkaktuar bllokimin e automjeteve për rreth një orë. Aksi ka mbetur i bllokuar derisa ekipet e shpëtimit kanë arritur ta pastroni rrugën dhe të mundësojnë kalimin e mjeteve.

Ngjarja ka ndodhur në vendin e quajtur Ura e Lojme, ku rëshqitja e dheut ka shkaktuar gjithashtu rënien e një shtylle tensioni. Pas ndërhyrjes, rruga është hapur plotësisht dhe automjetet kanë mundur të kalojnë.

Policia e Shtetit ka njoftuar se ka rritur prezencën në akset e rrezikuara nga rreshqitje dheu dhe inertesh. Ajo ka apeluar për kujdes të shtuar nga drejtuesit e mjeteve për të shmangur rrezikimin e aksidenteve dhe për të siguruar kalimin e sigurt në rrugë.