Rreth 300 raste të bullizimit dhe përndjekjes online u raportuan nga gratë dhe vajzat në të gjithë vendin për vitin e shkuar, sipas të dhënave të konfirmuara nga Rrjeti i Monitorimit Kundër Dhunës me Bazë Gjinore.

Ky rrjet thekson se teknologjia dhe platformat e komunikimit, si Facebook, Instagram, TikTok, e-mail, ose mesazhet përmes Skype, Snapchat, messenger dhe Viber, janë mjedise ku disa forma të dhunës lehtësohen.

Ekspertët që merren me çështjen e theksojnë urgjencën e ndërmarjes së hapa të menjëhershëm, jo vetëm për evidentimin e rasteve, por edhe për dënimin e personave të përfshirë në akte të tilla.

“Në këtë vit, kemi vërejtur rritje të shprehur të rasteve të raportuara nga vajzat dhe gratë, që janë viktima të dhunës online,” thekson një përfaqësues i rrjetit.

Për të parandaluar këtë fenomen, është organizuar një fushatë për internet të sigurt. “Kemi të bëjmë me një pakt kombëtar, ku synojmë të ecim më tej dhe mund të shohim një projektligj të ardhshëm për dënimin e atyre personave përgjegjës për dhunën online,” shtoi një eksperte.

Në kontekstin e kësaj problematike, një nga rastet më të fundit është ai i një gruaje 41-vjeçare, nënë e katër fëmijëve, e cila u vetëflijua pasi ishte viktimë e dhunës nga bashkëshorti i saj. Ky rast nisi me denigrimin dhe përndjekjen në rrjetet sociale.