Një ngjarje tragjike ka ndodhur në bazën ajrore Graf Ignatievo të Bullgarisë, ku një avion ushtarak u rrëzua gjatë stërvitjes, duke shkaktuar humbjen e jetës së dy pilotëve. Ende nuk janë bërë publike shkaqet e kësaj ngjarjeje të rëndë.
Rrëzimi ndodhi pak orë pas një fluturimi demonstrues të Presidentit bullgar, Rumen Radev, i cili mori pjesë në një fluturim me një avion luftarak F-16, në të njëjtën bazë ajrore, me ftesë të Forcave Ajrore të SHBA.
Ngjarja ndodhi ndërsa Bullgaria po përgatitej për një shfaqje ajrore me rastin e 20-vjetorit të anëtarësimit të saj në NATO dhe 35-vjetorit të futjes së avionëve MiG-29 në forcat ajrore bullgare, por shfaqja u anulua pas incidentit të rëndë.
