Media shtetërore iraniane raporton se shifra e viktimave nga sulmet me bombë të 3 janarit, për të cilat përgjegjësinë e ka marrë Shteti Islamik (IS), është shtuar në 91 persona. Shpërthimet ndodhën në Kerman, ku turmat po merrnin pjesë në një ceremoni përkujtimore pranë varrit të Qassem Soleimanit, gjeneralit të Gardës Revolucionare që u vra nga një sulm me dron të Shteteve të Bashkuara në Irak në janar të vitit 2020.

Një zyrtar lokal i shëndetësisë njoftoi se dy persona, përfshirë një fëmijë, të cilët ishin në kujdesin intensiv, nuk u mbijetuan plagëve. Shtetasit e Iranit janë ende në tronditje pas këtyre shpërthimeve të dhunshme. Grupi militant IS mori përgjegjësinë për sulmet në një deklaratë, duke thënë se dy anëtarë të tyre aktivizuan eksplozivët afër varrit të Qassem Soleimanit.

Ministria e Inteligjencës në Iran njoftoi se një prej sulmuesve ishte me kombësi taxhike, ndërsa identiteti i sulmuesit të dytë ende nuk është përcaktuar. Për momentin, të paktën 11 persona të dyshuar janë arrestuar në lidhje me këto shpërthime.

“Numri i viktimave nga incidenti terrorist ka arritur në 91, pasi dy persona, përfshirë një fëmijë, që ishin në kujdesin intensiv, nuk u mbijetuan plagëve”, citohet të ketë thënë një zyrtar lokal i shëndetësisë, sipas agjencisë shtetërore të lajmeve në Iran, IRNA. Të enjten, IS-i mori përgjegjësinë për shpërthimet. Përmes një deklarate, grupi militant tha se dy anëtarë të tij “aktivizuan jelekët e tyre me eksplozivë” në mes “të një turme të madhe të femohuesve të mbledhur afër varrit të liderit të tyre”.

Në funeralin e të vrarëve, që mori pjesë edhe presidenti iranian Ebrahim Raisi dhe gjenerali Hossein Salami, udhëheqës i Gardës Revolucionare Islamike, shprehet zemërim dhe tronditje për humbjen e jetëve. Qassem Soleimani vlerësohet në Iran për rolin e tij në luftën kundër Shtetit Islamik në Irak dhe Siri.