Duke nisur nga data 1 maj qarkullimi i automjeteve drejt aeroportit te Rinasit do të jetë vetëm me një sens levizjeje.

Thënë ndryshe, kushdo që dëshiron të shkojë në Rinas, duhet të ndjekë rrugën normale: Autostradë – Qafë-Kashar – Aeroport.

Ndërsa ata që vijnë nga veriu drejt Rinasit, duhet të kalojnë nga Fushë-Kruja në Vorë, më pas në Qafe-Kashar, për t’u kthyer drejt Aeroportit, ose për të ardhur në Tiranë.

Ndërkohë banorët e zonës kanë dalë në protestë duke kërkuar që shteti të ndërhyjë që ti japë zgjidhje.

Ata i bëjnë thirrje qeverisë që ta anuloj këtë vendim, pasi i ka penalizuar në veprimtaritë e përditshme, duke përmendur se për të dërguar fëmijët në shkollë, duhet të bëjnë dy orë rrugë, si dhe e kanë të pamundur aksesimin e varrezave.

“Ca të bëj unë, shkolla është e izoluar, shteti ti japi zgjidhje. I bie të ikin në këmbë. Të shkojnë në punë dhe në varreza. Për cfarë arsye?”

“Shteti të marrë masa ose na keni këtu përditë”.

Ndërkohë kanë arritur edhe forcat e FNSH për të larguar banorët, të cilët kanë thënë se kanë dalë në këtë protestë në mënyrë paqësore.