Kryeparlamentari Gramoz Ruçi ka shprehur mbështetjen ndaj Gjermanisë mbi situatën e përmbytjeve që prej disa ditësh ka përfshirë vendin.

Ruçi shpreh dhimbjen e thellë për humbjet e jetëve njerëzore dhe dëmet e shkaktuara dhe u përcjell solidaritetin e Kuvendit të Shqipërisë familjeve të viktimave, qeverisë dhe Bundestagut Gjerman, miqve të Shqipërisë, Kancelares Merkel dhe Presidentit të Bundestagut Schäuble.

Ai thotë se “Lokomotiva ekonomike e Europës” do t’i kapërcejë sa më shpejtë pasojat e kësaj fatkeqësie.

“Kjo fatkeqësi e papritur e natyrës goditi disa zona të Gjermanisë, vendit mik, partner dhe aletat të Shqipërisë. Shpreh dhimbjen e thellë për humbjet e jetëve njerëzore dhe dëmet e shkaktuara dhe u përcjell solidaritetin e Kuvendit të Shqipërisë familjeve të viktimave, qeverise dhe Bundestagut Gjerman, miqve të Shqipërisë, Kancelares Merkel dhe Presidentit të Bundestagut Schäuble. Shpreh bindjen se Gjermania, kjo lokomotive ekonomike dhe politike e Europës do t’i kapërcejë sa më shpejt pasojat e kësaj fatkeqësie natyrore.”, shprehet në mesazhin e tij Kryetari i Kuvendit, z. Gramoz Ruçi.