Përmbytjet e shkaktuara nga shkrirja e borës kanë krijuar një situate emergjente në pjesën e mesme të Rusisë dhe në Kazakistan, duke shkaktuar evakuime masive dhe protesta të zemëruara kundër autoriteteve.

Në zonën e prekur të Orenburgut në Rusi dhe në qytetet e Kazakistanit, më shumë se 100,000 njerëz janë detyruar të largohen nga shtëpitë e tyre. Presidenti i Kazakistanit ka shprehur shqetësim për masat më të mëdha të përmbytjes në më shumë se 80 vjet.

Banorët i kanë bërë apel vazhdimisht presidentit për ndihmë. Video postimet në mediat sociale treguan qindra protestues që u mblodhën jashtë bashkisë së qytetit në Orsk, Orenburg, duke brohoritur “Turp! Turp!” dhe “Putin, ndihmo!” Pamjet e tjera treguan demonstruesit që akuzonin shtetin se “nuk bën asgjë” dhe kritikonin kryetarin e bashkisë së qytetit, Vasily Kozupitsa.

Në një video, ministri i Situatave Emergjente i Rusisë, Aleksandr Kurenkov, pretendon se evakuimi ishte “shpallur një javë më parë” dhe se publiku “zgjodhi të mos largohej” sepse mendonte se ishte një “shaka”. Por, në një intervistë me një gazetë lokale, një banor i Orsk tha: “Kjo është marrëzi. Nuk kishte asnjë paralajmërim.”