Rusia ka paralajmëruar Britaninë e Madhe se mund të përballet me pasoja “të paparashikueshme dhe të rrezikshme” për “veprimet e saj konfrontuese” së fundmi.
Ministria e Jashtme ruse i bëri komentet shqetësuese për Mbretërinë e Bashkuar në një deklaratë zyrtare, duke shtuar se ka njoftuar edhe ambasadorin britanik për qëndrimin e tyre.
Ambasadorja Deborah Bronnert u thirr në ministri, mbi përfshirjen e supozuar të Brtanisë në një sulm me dron në flotën ruse të Detit të Zi në Krime, por ata kanë mohuar përfshirjen, ndërsa as Ukraina nuk ka marrë përgjegjësinë për incidentin.
“Ky njoftim thekson se veprime të tilla konfrontuese nga britanikët kërcënuan të përshkallëzojnë situatën dhe mund të çojnë në pasoja të paparashikueshme dhe të rrezikshme”, tha ministria në një deklaratë.
Vladimir Putin ka akuzuar gjithashtu Britaninë se qëndron pas sulmeve në tubacionet Nord Stream në shtator, të cilat kanë nxjerrë jashtë përdorimit lidhjen e gazit midis Rusisë dhe Evropës, për të cilat sërish Britania i ka mohuar pretendimet.
