Rusia ka zhvilluar një vaksinë të re kundër kancerit, e quajtur “Enteromix”, e cila tashmë po administrohet tek pacientët dhe sipas mediave ndërkombëtare, rezultatet janë shumë inkurajuese. Trajtimi bazohet në teknologjinë inovative mRNA, të ngjashme me vaksinat kundër COVID-19, dhe është personalizuar sipas informacionit gjenetik të secilit pacient.

Alexander Ginzburg, drejtor i Qendrës Kombëtare të Kërkimeve për Epidemiologjinë dhe Mikrobiologjinë (NF Gamalei), bëri të ditur se vaksina synon të stërvisë sistemin imunitar për të njohur dhe shkatërruar qelizat kancerogjene, duke zvogëluar edhe tumoret e mëdha. Ndryshe nga kimioterapia apo radioterapia tradicionale, Enteromix ofron një trajtim të synuar dhe më pak të rëndë për pacientët.

Sipas deklarimeve, vaksina ka treguar 100% efektivitet në provat klinike dhe nuk janë raportuar efekte anësore serioze. Aktualisht, ajo është në pritje të miratimit përfundimtar nga Ministria Ruse e Shëndetësisë, para se të shpërndahet tek pacientët rusë falas.

Ginzburg theksoi se Qendra Gamalei prodhon ekskluzivisht vaksinën dhe se trajtimet eksperimentale filluan në gusht 2025 për pacientët me melanomë, në bashkëpunim me institucionet kryesore kërkimore të Moskës.

Kjo vaksinë përfaqëson një hap potencialisht revolucionar në luftën kundër kancerit, duke ofruar një qasje të personalizuar dhe më pak invazive ndaj një sëmundjeje që preket miliona njerëz çdo vit.