Rusia ka rinisur të bombardojë kryeqytetin e Ukrainës Kievin. Si pasojë e sulmit të fundit ka mbetur i vdekur një person dhe janë plagosur 5 të tjerë.

Në fjalimin e tij të përditshëm, presidenti Volodymyr Zelensky tha se personi që ka ndërruar jetë është një 37-vjeçar, ndërsa është plagosur dhe vajza e tij 7-vjeçare e cila është duke marrë trajtim mjekësor në spital.

“Edhe nëna e saj u plagos. Meqë ra fjala ajo është një shtetase e Rusisë. Kjo është ajo që po ndodh. Ajo nuk u kërcënua nga asgjë në vendin tonë, ajo ishte plotësisht e sigurt, derisa vetë Rusia vendosi të sulmonte, gratë, fëmijët, koptshte, pallate, spitale hekurudha, etj” tha ai.