Rusia ka ndërmarrë një sërë sanksionesh të tjera ndaj zyrtarëve amerikanë këtë të enjte, duke ndaluar hyrjen në territorin e saj 29 figurave politike, mediatike dhe biznesore amerikane si përgjigje ndaj sanksioneve të SHBA-së për pushtimin e Ukrainës.

Mes personave të përfshirë në listën e zezë ruse, përveç nënpresidentes së SHBA-së, Kamala Harris, është edhe presidenti dhe CEO i Meta, Mark Zuckerberg.

Edhe zëdhënësit të Pentagonit, John Kirby-t i është ndaluar hyrja në Rusi.

“Këtyre individëve u është mohuar hyrja në Federatën Ruse për një kohë të pacaktuar”, tha Ministria e Jashtme ruse në një deklaratë.