PITTSBURGH – Këngëtarja e njohur Sabrina Carpenter ka “arrestuar” supermodelen Gigi Hadid gjatë koncertit të saj në Pittsburgh, duke shtuar edhe një yll tjetër në listën e gjatë të “vajzave të bukura” që bëhen pjesë e performancës së saj energjike.

Në çdo ndalesë të turit të saj, Sabrina zgjedh një person nga publiku për ta “arrestuar” përpara se të këndojë hitin e saj “Juno”. Këtë herë, “viktima” ishte Gigi Hadid, e cila ndodhej në radhët e para të spektaklit.

Në videot që po qarkullojnë me shpejtësi në rrjetet sociale, Gigi shihet e veshur thjeshtë me xhinse, kanatiere me printe dhe një bluzë të bardhë, ndërsa Sabrina i drejtohet me humor:

“Gigi, nga je ti?”

Modelja përgjigjet me një buzëqeshje: “Bucks County.”
Sabrina ia kthen menjëherë:

“Uau, ndoshta jemi shpirtra binjakë! Gigi, po më zë vapa dhe sikleti.”

Momenti kulm arriti kur këngëtarja i dorëzoi prangat rozë me pelush, simbol i këtij rituali koncertesh, ndërsa Gigi i tundi në ajër mes brohoritjeve të publikut.

“Kjo është për Gigi, njerëz!” – tha Sabrina, duke shkaktuar entuziazëm në sallë.

Gigi Hadid më vonë ndau në rrjetet sociale një foto nga momenti i “arrestimit”, e shoqëruar me një emoji zemre, duke e kthyer episodin në një tjetër moment viral të turneut të Sabrina Carpenter.

Në koncertet e saj, artistja ka “arrestuar” edhe emra të njohur si Millie Bobby Brown, Emma Bunton, Marcello Hernández dhe Margaret Qualley – duke e kthyer këtë ritual në një traditë të dashur për fansat e saj.