Deputeti i PD-së Ervin Salianji hodhi një sërë akuzash ndaj qeverisë sot në Kuvend sa i takon dy nismave të qeverisë OFL dhe vetingu ndaj efektivëve të policisë.
Ai tha se shifrat e qeverisë nuk korrespondojnë me ato të policisë, duke theksuar se janë rreth 1900 persona që SPAK i ka lënë në arkiv, pasi mazhoranca i ka pasur në mbrojtje politike.
Salianji: Çuçi e pranon dështimin me qetësi. Ju thoni cfarë mund të bëhet më mirë, që t’ju ndihmojmë se pari duhet të pranoni që keni dështuar, të dy nismat. Ato kanë marrë nga buxheti shtetit para që janë shpërdoruar, ju thoni e keni ndërprerë vetingun ne polici ndërkohë prej vitesh paguhen strukturat, Ju e bëni këtë për të presionuar efektivët e policisë, keni mbajtur dhjetëra aktivitete ministra e Rama, 52 vendime keni bërë sikur po bëhej name.
Keni kërcënuar drejtues apo punonjës të thjeshtë të policisë, kriminelët jo vetëm s’po i kapni dot por po ju kapin ata. Paskërka një sekret, kur të vijë momenti do ju them emra por ju keni goditur atë pjesë që keni gënjyer në zgjedhje. Ku është kjo vajza me syze që dilte si nëpër filma aksion para 25 prillit, ku janë këta sot? Pse nuk i themi emrat, a janë favorizuar? A përgjigjeni dot, a ka fuqi ligji para njerëzve me mbrojtje politike nga PS? Ju më së miri bëni mashtrimin si qeveri.
Kemi hartuar 2999 praktika thatë, ku i gjetët këto, se jam më i prirur të besoj policinë se sipas shkresës së tyre që deri në fund të 2020 ka përfunduar hetimi për 550 subjekte. Nga ana e strukturës përgjegjëse ka çuar në SPAK 243 subjekte, pse 272 të tjera janë arkivuar. Janë të PS?
Pse shifrat tuaja ndryshojnë nga ato të policisë, ju them dhe me emra. SPAK ka kthyer për plotësim materiali 51 raste, 1900 tjerë janë arkivuar sepse kanë qenë patronazhistë dhe janë këta që pastrojnë para në ndërtim në Tiranë. Jo gjithë fajin e keni ju zoti ministër por mbrojtja juaj ju bën të pabesueshëm, cdo nisëm e lini në mes. Anektodat që na tregonit nëpër zgjedhje, ku policët presionoheshin për votat, qeveria ulet e ha e pi me to dhe gjendja e kriminalietit sot e dini si është.
