Këngëtarja e njohur Samanta Karavella ka ndarë sot me ndjekësit e saj lajmin e bukur të shtatzënisë. Përmes një videoje në Instagram, ku shfaqet krah partnerit, ajo njoftoi se është në pritje të fëmijës së saj të parë.

“Ne të tre… Një kapitull i ri fillon. Mezi pres për ty”, ka shkruar këngëtarja në postimin e saj emocionues.

Dyshimet e para për një shtatzëni filluan që në shtator të vitit 2024, kur Samanta u shfaq me një xhup të trashë dhe me barkun e fryrë, por atëherë gjithçka mbeti në nivelin e aludimeve.

Megjithëse këngëtarja nuk ka bërë publike detaje për jetën e saj private, më herët është përfolur se ajo është fejuar. Në vitin 2021, partneri i saj, Chris Miele, raportohet se i propozoi martesë më 29 dhjetor, duke ndarë lajmin me miqtë në rrjetet sociale.

Lajmi i shtatzënisë ka emocionuar fansat e artistes, të cilët kanë shpërthyer në urime për çiftin.