Kryeministri britanik, Boris Johnson ka dënuar sulmet ruse ndaj Ukrainës, të cilat i ka konsideruar të neveritshme, gjatë një bisede telefonike me presidentin ukrainas Volodymyr Zelensky të mërkurën.

“Duke ndarë neverinë e tij për sulmet në Ukrainë, kryeministri tha se Mbretëria e Bashkuar po bënte gjithçka që ishte e mundur për të mbështetur popullin ukrainas dhe rezistencën e tij”, tha zyra e Johnson në një deklaratë, raporton “CNN”.

“Të dy liderët ranë dakord për nevojën që sanksionet të shkojnë më tej për të ushtruar presion maksimal mbi Presidentin rus, Putin, në ditët në vijim”, thuhet më tej në deklaratë.

“Zelensky falënderoi Johnson për mbështetjen dhe ndihmën e Mbretërisë së Bashkuar, duke shtuar se kishte qenë jetike në frenimin e forcave ruse”, shkruhet në deklaratë.