Drejtoresha e përgjithshme e Agjencisë Kombëtare të Rinisë, Sara Bodo, theksoi sot se praktikat e punës për studentët ekselentë janë një hap i nevojshëm për zhvillimin e administratës publike.

Gjatë aktivitetit të organizuar nga Agjencia, ku morën pjesë edhe Kryeministri Edi Rama dhe ministri i Turizmit, Kulturës dhe Sportit, Blendi Gonxhja, Bodo u shpreh se të rinjtë përbëjnë e ardhmja e vendit dhe e administratës publike.

“Kjo praktikë tremujore ka qenë për ju vendosja e themeleve dhe gurëve të parë. Ndërtimi i bazës suaj profesionale dhe njerëzore. Ju nuk keni mësuar vetëm si funksionon administrata publike, por si funksionon përgjegjësia, korrektësia, përkushtimi dhe si ndërtohet besimi,” tha ajo.

Bodo iu drejtua të rinjve duke shtuar se e ardhmja që po ndërtojnë sot nuk do të duket menjëherë, por do të jetë e qëndrueshme:
“Administrata publike është një ndërtesë e madhe që nuk mbahet nga ato mure që duken, por nga themelet e forta që nuk shihen, nga njerëz që punojnë çdo ditë me profesionalizëm dhe integritet,” përfundoi ajo.