Ish-banorët e Big Brother Vip, Sara Gjordeni dhe Bardh Idizi, janë bërë prindër për herë të parë më 5 Dhjetor. Ish-Missi ka ndarë lajmin e bukur me ndjekësit e saj në Instagram, duke postuar një foto të Bardhit duke mbajtur në krahë vogëlushen Nea.
Në postimin e saj, Sara falënderoi të gjithë ata që e mbështetën me mesazhe, urime dhe dhurata, duke shprehur mirënjohjen për këtë moment të veçantë në jetën e tyre. Ajo theksoi se Nea, e cila ka lindur me një peshë prej 4 kilogramësh, është një “perfeksion” dhe është një bekim i madh nga Zoti. Sara gjithashtu ndau emocionet e saj duke treguar se vogëlushja njohu zërin e prindërve që në ditën e parë dhe dha buzëqeshjen e saj të parë.
“Ende jemi ne mosbesim te bekimit qe kemi marrë nga Zoti diten e sotme! Doja t’ju falenderoja me shpirt te gjithë për mesazhet tuaja, urimet, dhuratat dhe gjithçka tjetër. Janë mijëra dhe as nuk e di a do arrij dot t’ju kthej të gjithëve një e nga një,” shkroi Sara në postim. Ajo përfundoi me një mesazh të ngrohtë për ata që kanë vite që përpiqen për një mrekulli të tillë, duke i uruar ata të gëzojnë të njëjtin lumturi që ata po përjetojnë.
Në fund, Sara, Bardhi dhe Nea shprehën dashurinë dhe lumturinë e tyre për këtë moment të mrekullueshëm që po kalojnë së bashku si familje.
