Banorja e Big Brother VIP Kosova, Sasa Hoda, ka ndarë një nga rrëfimet më të forta personale brenda shtëpisë, duke treguar për një lidhje 10-vjeçare që e nisi kur ishte ende shumë e re dhe që, sipas saj, u kthye në një marrëdhënie të dëmshme.

“Kam qenë dhjetë vite me të dashurin tim… kam menduar se kam qenë 21 vjeçare. Kam qenë tepër e re, plus e kam pasur një kompleks gjithë kohën se vetëm ai më do dhe askush tjetër, dhe ai e ka shfrytëzuar situatën”, u shpreh ajo para banorëve.

Sasa tregoi se ish-partneri e kishte manipuluar emocionalisht, duke e bërë të besonte se nuk kishte vlerë jashtë kësaj lidhjeje.

“Ai më thoshte se ty nuk të do askush përveç meje… më ka shfrytëzuar emocionalisht, financiarisht,” shtoi ajo.

Rrëfimi i saj u bë edhe më i rëndë kur tregoi se marrëdhënia e ka larguar për një kohë të gjatë edhe nga familja.

“Kam qenë në gjendje me humb çdo njeri. Familja ime nuk më ka folur me muaj për çështje të tij,” rrëfeu Sasa, duke prekur të pranishmit dhe publikun.

Rrëfimi i saj ka ngjallur reagime të shumta në rrjet, me shumë mbështetje për banoren që vendosi të flasë hapur për një periudhë të vështirë të jetës së saj.